SEL VA SUV TOSHQINLARIDAN OGOHLIK

Barchamizga ma’lumki, yog‘ingarchilik mavsumida respublikamizning tog‘li va tog‘oldi hududlarida sel, suv toshqini, yer va qor ko‘chish hodisalarining yuzaga kelish xavfi yuqori bo‘ladi.  Joriy yilning o‘tgan 4 oyi mobaynida viloyat  favqulodda vaziyatlar boshqarmasiga yuqorida aytib o‘tilgan tabiiy hodisalar bilan bog‘liq bo‘lgan 6 marotaba murojaatlar kelib tushgan. Xususan, Chiroqchi tumanining “Bolsuvar” mahalla fuqarolar yig‘inida yashovchi ayrim fuqarolarning yashash uyi tomorqasini yog‘ingarchiliklar sabab yuzaga kelayotgan sel suvlari yuvib ketish xavfi borligi haqida murojat yo‘llangan.  Murojaat yuzasidan, viloyat FVB mas’ullari yuqoridagi manzilga barcha zarur kuch-vositalarni jalb etgan holda, u yerda daryo qirg‘oqlarni mustahkamlash va rostlash ishlarini olib borishmoqda. Eslatib o‘tamiz, bu kabi tadbirlar nafaqat moddiy boyliklarni balki inson hayotni xavfsizligini ta’minlash uchun muhim ahamiyatga ega.