162 MLN. SO'MLIK TAMAKI MAHSULOTLARINING SAVDOSIGA CHEK QO'YILDI

Tamaki mahsulotlarining noqonuniy savdosiga chek qo‘yish, yashirin iqtisodiyotning aylanmasini barataraf etish borasida olib borilayotgan amaliy harakatlar natijasida qo‘shtirnoq ichidagi tadbirkorlarning xufyona ishlari fosh etilarkan, bunday holatlarning hanuz ko‘zga tashlanayotgani ayni haqiqat. Qashqadaryo viloyat bojxona boshqarmasi hamda boshqa huquqni muhofaza qiluvchi idoralar xodimlari hamkorligida ko‘kdala tumanida o‘tkazilgan tezkor tadbirda tamaki mahsulotlarining noqonuniy savdosi bilan bog‘liq yana bir holatga chek qo‘yildi. Bojxona boshqarmasi ma’lumotlariga ko‘ra joriy yilning o‘tgan davri mobaynida viloyatda umumiy qiymati 162 millin so‘mlik tamaki mahsulotlarining noqonuniy savdosiga chek qo‘yilgan. Hozirda mazkur holatlar yuzasidan surishtiruv harakatlari olib borilmoqda. Tamaki mahsulotlarining noqonuniy savdosiga oid navbatdagi qonunbuzarlikning oldi olindi. Аniqlanishicha, Ko’kdala tumanida oʼtkazilgan tezkor tadbir davomida, fuqarolarning biriga tegishli boʼlgan “Lacetti” rusumli avtomashina belgilangan tartibda to’xtatilib xolislar ishtirokida ko’zdan kechirilganida, avtomashina yukxonasida dastlabki qiymati 75 million soʼmlik horijiy davlatda ishlab chiqarilgan 1500 quti aksiz markaga ega boʼlmagan tamaki mahsulotlarini kelgusida noqonuniy tarzda pullamoqchi boʼlib olin ketayotgan vaqtida tadbir ishtirokchilari tomonidan toʼxtatib qolindi. Hozirda mazkur holat yuzasidan bojxona organlari tomonidan surishtiruv ishlari olib borilmoqda. Ma’lumot o’rnida, joriy yilning o’tgan davri mobaynida viloyat bojxona boshqarmasi tomonidan umumiy qiymati 162 million so’mlik tamaki mahsulotlarining noqonuniy savdosi oldi olingan.