SURDO TARJIMON VA INKLYUZIV TA'LIM

Mehr ko'zda... Bu hayotda yashar ekanmiz, kimgadir yaxshilik qilib, hayrli amallarga qo'l urgingiz keladi... Mustaqil O'zbekistonimizda hech kim mehr va e'tibordan chetda emasligi, ayniqsa quvonarli hol. Hattoki imkoniyati cheklanganlar uchun ham bir qator qulayliklar yaratilmoqda.

Qarshi shahridagi 17-sonli maxsus maktabda mutaxassislar tomonidan eshitish va nutqida nuqsoni bo‘lgan shaxslar va pedagog xodimlari uchun o‘quv seminari tashkil etildi.  YUNICEF bolalar xayriya jamg‘armasi, O‘zbekiston Respublikasi Favqulodda vaziyatlar vazirligi va viloyat boshqarmasi mas’ullari qatnashdilar.

Mazkur o'quv mashg'uloti Favqulodda vaziyatlar vazirligi va YUNICEF tashkiloti o‘rtasida imzolangan loyihaviy dastur bo'yicha tashkil etilib, asosiy maqsadi inklyuziv ta’lim muassasa tarbiyalanuvchilari hamda ko‘p sonli mehnat jamoasini turli favqulodda vaziyatlarda to‘g‘ri harakatlanish borasidagi bilim-ko‘nikmasini oshirishga qaratilgan. Seminar so‘ngida, pedagog va tarbiyalanuvchi bolajonlar uchun qutqaruv xizmati texnikalari va maxsus anjomlari tanishtirildi. Surdo-tarjimon orqali ulardan foydalanish tartiblari o‘rgatildi.