UNIVERSITETDA - "KARYERA KUNLARI"

Yoshlar mehnat bozorida munosabatga kirishar ekan, oliygohda olgan bilimlari va tajribalari yordamga keladi.

Ayniqsa bitiruvchilar oldida munosib ishga joylashishdek vazifa turadi. Viloyatimizdagi oliy taʼlim muassasalari talabalarini qoʻllab - quvvatlash maqsadida Qarshi davlat universiteti Iqtisodiyot fakulteti bitiruvchilari uchun "Karyera kunlari" oʻtkazildi.

Ertamiz egalarining boʻsh vaqtlarini mazmunli oʻtkazish, kadrlar tayyorlash tizimini yangi bosqichga olib chiqish maqsadida 50 dan ortiq ish beruvchilar, oʻz vakant oʻrinlari bilan qatnashishdi.

Bu esa taʼlim oluvchilarni, ish beruvchilar bilan shartnomalar imzolashlariga imkon beradi.

Marketing, turizm, inson resurslarini boshqarish kabi yoʻnalishlarni tamomlayotgan yigit-qizlar mutaxassislar tomonidan oʻzlarini qiziqtirgan savollarga javob olishdi. 

Yarmarka sabab, ishtirokchilar yana bir haqiqatni anglab yetishdi.

Qay sohada boʻlmasin orttirilgan malaka va tajriba kelajak avlod vakillari uchun ish faoliyati davomida asqotadi.