MUAMMOLAR, TAKLIFLAR VA REJALAR

Yangi maqsadlar va yangi fikrlar... Yo'l qo'yilayotgan kamchiliklar hamda muammolar… Qashqadaryo viloyat adliya boshqarmasida o'tkazilgan muloqot xodimlarning kelgusida bajarishi lozim bo'lgan vazifalariga yanada mas'uliyat yukladi. O'zbekiston Respublikasi Adliya vaziri A.Tashkulov mazkur tizimda faoliyat yuritib kelayotgan yosh kadrlar bilan uchrashuv o'tkazdi. Vazirlik rahbariyatining nutqi tinglandi. 

Bunda O'zbekiston Respublikasi Prezidentining "O'zbekiston - 2030" strategiyasini "Yoshlar va biznesni qo'llab - quvvatlash yilida amalga oshirishga oid davlat dasturi to'g'risida"gi farmonida belgilangan vazifalar, ko'rsatmalar haqida tushuntirish berildi. Soha vakillari ham o'zlarini qiziqtirgan savollariga javob olishdi. Tizim yuzasidan takliflar berdilar.  Ana shunday ochiq muloqotning tashkil etilishi yoshlarni kelgusida shijoat bilan sidqidildan ishlashlariga zamin yaratadi.