HECH KIM HUJJATSIZ QOLMAYDI

Qashqadaryo viloyati markazidan ancha olisda joylashgan Dehqonobod tumanining "Otqamar" mahallasi...
Ayni dam fuqarolik holati dalolatnomalarini yozish bo'limi mas'ullari hududga tashrif buyurishgan. Shu kuni ular 3 yildan beri birga yashab kelayotgan
fuqarolar - Shodmonbek Abrayev va Orzigul Ismoilovaning qonuniy nikohlarini qayd etishdi. Ular bir oila, deb, e'lon qilindi.

"Gumbuloq" mahallasida yashovchi, 4 nafar farzandning ota - onasi Shermuhammad Choriyev va Komila Qobilovalarning qonuniy nikohni belgilovchi hujjati sayyor tartibda o'z egalariga topshirildi.

Ta'kidlash mumkinki, "Ayredvol" mahallasida istiqomat qiluvchi Ashurovlar oilasining ham quvonchi cheksiz. Boisi, ularning 15 yillik orzulari ushaldi. Oila boshi Faxriddin Ashurov e'tiborsizligi tufayli, xuddi shu muammo kuzatilgan edi. Hatlov o'tkazilganida, ushbu holat oydinlashdi va albatta, masalaga yechim topildi.

Aytib o'tganlarimiz, "Hech kim hujjjatsiz qolmaydi!" aksiyasi doirasidagi ishlardir. Mazkur jarayonlar sababli,
20 yanvardan 1 aprelga qadar samarali tadbirlar amalga oshirildi. Natijasi esa, har doimgidek, oddiy odamlarning tashvishlarini aritishga, hayotlarini farovon qilishga yordam berayapti.