UY OLAMAN DEB ALDANGANLAR

Yaxshi niyatlar bilan qurilish firmasiga uy olish uchun to'lov qilasiz-u, ammo qurilish firmasining rahbari firibgar bo'lsa-chi?

Gap shundaki, Qarshi shahar Istiqlol mahallasida 2017 - yilda qurilishi boshlangan ushbu ko'p qavatli uyning qurilish ishlari 7-yildan buyon yakuniga yetmayapti. Bu uylarga to'lov qilgan fuqarolar esa, bugunga kelib, na pullarini qaytarib olishdi, na uyga ko'chib kira olishdi. Shu tufayli, ular yordam so'rab, dasturimizga murojaat qilishdi. Ko'rib turganingizdek, bu yerda qurilish ishlari hozir ham chala yotibdi, muammoni o'rganish davomida esa biz quruvchini ham , biror-bir mutasaddini ham uchratmadik.  

Ko'rib turganingizdek, firma rahbariga jazo tayinlangani ma'lum qilinmoqda. Ammo murojaatchilar ularga yetkazilgan zarar, hali qoplanmaganligini ta'kidlashdi. Biz "Bu masalani tegishli tashkilotlar o'z nazoratiga oladi" - deb umid qilib qolamiz.