DAVLAT GRANTLARI: IJTIMOIY BUYURTMALAR VA SAMARA

O‘zbekiston Respublikasi Prezidentining 2021 yil 3 martdagi “Nodavlat notijorat tashkilotlarini davlat tomonidan qo‘llab-quvvatlash, ularning faoliyati erkinligi, huquqlari va qonuniy manfaatlari himoya qilinishini ta’minlashga oid qo‘shimcha chora-tadbirlari to‘g‘rida”gi qarori ijrosini ta’minlash maqsadida Qarshi shahridagi Do‘stlik uyida muloqot o‘tkazildi.

O‘zbekiston nodavlat notijorat tashkilotlari milliy assotsiatsiyasining viloyati hududiy bo‘linmasi va Xalq deputatlari viloyat Kengashi huzuridagi nodavlat notijorat tashkilotlarini va fuqarolik jamiyatining boshqa institutlarini qo‘llab-quvvatlash jamoat fondi tomonidan “Davlat grantlari va ijtimoiy buyurtmalari tanlovlarida qatnashish, tartib va tamoyillari" mavzusidagi seminar treningda muhim huquqiy hujjat ijrosi yuzasidan fikrlar almashildi.

Tadbir ishtirokchilariga NNT va fuqarolik jamiyatining boshqa institutlari o‘rtasida muhim ijtimoiy ahamiyatga molik loyihalarni amalga oshirishga davlat ijtimoiy buyurtmalari to‘g‘risida va NNTlarga yaravtilayotgan qulayliklar haqida batafsil ma’lumot berildi. Shuningdek, mahalliy NNTlarnini qo‘llab-quvvatlash, ular tomonidan tanlovlarda ishtirok etish hamda loyihalarni amalga oshirishda yo‘l qo‘yilayotgan kamchiliklar ham ochiq aytib o‘tildi va ularni bartaraf etishga qaratilgan tavisiyalar berildi.