"YOSHLAR SAYLI"

“Vatan ostonadan boshlanadi”, deganlaridek ona yurt har bir kishining oʻz qalbidan, vijdonidan boshlanadi. Yaʼni, hammaning qalbida mamlakatning jajji qiyofasi yashaydi. Yangi O'zbekistonimiz – biz nafas olayotgan havodir. Vatanning bir zarrasi ekanini anglamoq kishi uchun iftixor va sharafdir. Qarshi shahrida o'tkazilgan Yoshlar sayli ham ertamiz egalariga o'zi tug'ilib o'sgan diyoriga muhabbat ila yashash hissini uyg'otdi.

Qarshi shahar hokimligi va bir qator huquqni muhofaza qiluvchi tashkilotlar hamkorligida yoshlarni yurtga sadoqat, harbiy-vatanparvarlik ruhida tarbiyalash maqsadi ila ushbu tadbir o'tkazildi. Kelajak bunyodkorlariga harbiy aslahalar xususida ma'lumotlar berildi.  

Saylga kelganlar harbiy xizmatchilarning xizmat faoliyati hamda amaliy mashg‘ulot jarayonlari bilan yaqindan tanishishdi. Shuningdek, respublikamizdan tashrif buyurgan aktyor va xonandalar ishtirokidagi gala-konsert dasturlari 3000 nafardan ortiq yoshlarning bo’sh vaqtlarini mazmunli o’tkazishga xizmat qildi.