YOSH QUTQARUVCHI - BO'LAJAK XALOSKOR

Yosh qutqaruvchi...

Nomidan bilinib turganidek, U – xaloskor...

Qarshi shahrida o‘tkazilgan maktab o‘quvchilari o‘rtasidagi “Yosh qutqaruvchi” musobaqasi viloyat bosqichi buni yana bir marta anglatdi.

Kadr orti: Bahslar ishtirokchilari - shahar va tuman bosqichlarida birinchilikni qo‘lga kiritgan o‘quvchilar bo‘ldi. Dastlab, ular bellashuv shartlari bo‘yicha saf ko‘rigidan o‘tkazildi, barchasining tayyorgarligi ko‘zdan kechirildi.

Birinchi tibbiy yordam va Fuqaro muhofazasi yo‘nalishidagi savol-javoblar... Yosh yong‘in-qutqaruvchilari estafetasi...Shartli daryo ustidan dor bo‘ylab o‘tib, chodir tiklash, 4 qavatli o‘quv minorasining birinchi qavatiga ko‘tarilish..

Bularni bajarish oson bo‘lmadi, albatta. Hakamlar hay’ati tomonidan hamma harakatlar baholab borildi.

Yakunda birinchi o‘rin Koson tumaning 8- umumta’lim maktabi o‘quvchilariga nasib etdi. Qarshi shahridagi 34- umumta’lim maktabi o‘quvchilari ikkinchi, Yakkabog‘ tumanidagi 28- umumta’lim maktab o‘quvchilaridan iborat jamoa esa uchinchi o‘ringa loyiq ko‘rildi. Shuningdek, akademik litsey va kasb-hunar maktablari o‘quvchilari o‘rtasida sovrindorlar ham aniqlandi. Tashkilotchilar tomonidan g‘oliblarga esdalik sovg‘alari topshirildi.