7 YILLIK QIZIQISHNING NATIJALARI...

7 yoshdagi qiziqish, 7 yillik mehnat samarasi Davlatbekka ko'plab muvaffaqiyatlar olib kelmoqda. 

Qarshi shahridagi 23-umumiy o'rta ta'lim maktabida rasmlar ko'rgazmasi namoyish etildi. Tadbirda iqtidorli o'quvchilar tomonidan yaratilgan san'at asarlarini ko'rish mumkin.

Mazkur ilm maskanida 2816 nafar o'quvchilarga 176 nafar o'qituvchilar bilim
berib kelishmoqda. Bu yerda qahramonimizga o'xshagan iste'dod egalari e'tirof etildi. Davlatbek maktab ma'muriyati tomonidan esdalik sovg'alari, diplom bilan taqdirlandi.

Oq qog'ozga tushirilgan tasvirlarni tomosha qilar ekansiz, qobiliyatli yoshlarning bu harakatlari go'yoki, kompyuterdagi suratlarga o'xshaydi. Lekin, bularning barchasi haqiqiy qo'l mehnati namunalaridir.