28 NAFAR ISHSIZLAR TIKUV MASHINALIK BO'LDI

Bekorchilikka va ishsizlikka barham berish,  20 ta tashkilot va 471 ta bo'sh ish o'rinlari... Bularning barchasi o'tkazilgan tadbirda o'z aksini topdi. Qarshi shahridagi 4ta sektor rahbarlari hamda kambag'allikni qisqartirish va bandlikka ko'maklashish bo'limi hamkorligi bilan bo'sh ish o'rinlari yarmarkasi tashkil etildi. Hududdagi ishga marhamat Mono markazida o'tkazilgan mazkur tadbirdan ko'zlangan maqsad tashqi mehnat migratsiyasidan qaytgan fuqarolar, otaliqqa olingan yoshlar, ishsiz yurganlar bandligini ta'minlashdan iborat. Bunda Qarshi shahridagi 64 ta mahallalardan 365 nafar fuqarolar ishtirok etishdi. 35 kishiga tashkilot va korxonalar tomonidan taqdim etilgan bo'sh o'rinlarga yo'llanmalar berildi. 28 nafar ishsiz xotin-qizlarga esa subsidiya asosida tikuv mashinalari topshirildi. Ana shunday bo'sh ish o'rinlari yarmarkalari orqali ko'plab insonlarga ko'mak berilmoqda. Bu esa o'z navbatida ro'zg'orlarining  kam-ko'stini to'ldirishlaridan, Yangi O'zbekistonda inson qadri ulug' ekanligidan darak beradi.