HECH KIM MEHR VA E'TIBORDAN CHETDA QOLMAYDI

Ixtiyor Mahamov Nishon tumanining Gulzor mahallasida yashaydi. 1-guruh nogironligi bo’lgan shaxslar ro’yxatida turadi. Mahalladagi ijtimoiy kompleks xizmat ko’rsatuvchi xodim tomonidan olib borilgan o’rganishlar natijasida fuqaroning elektron nogironlik aravachaga muhtojligi aniqlandi. Shundan so’ng tuman "Inson" ijtimoiy xizmatlar markazi tomonidan fuqaroga elektron yuritmali nogironlik aravachasi yetkazib berildi. Ma’lumot uchun joriy yilning 1-may holatiga ko’ra tuman “Inson” ijtimoiy xizmatlar markazi tomonidan 52 nafar fuqarolar reabilitatsiya qilishning texnik vositalari, 7 nafar fuqarolar esa protez-ortopediya moslamalari bilan ta’minlangan. Maqsad, og’ir hayotiy vaziyatga tushib qolgan oilalarga kompleks ijtimoiy xizmat va yordam ko’rsatish orqali fuqarolarni ijtimoiylashuvini ta’minlashdan iborat.