"DAVLAT XAVFSIZLIK XIZMATI KUBOGI"

16 yoshdan 30 yoshgacha bo'lgan yoshlar o'rtasida sportning fudbol va mini fudbol turi bo'yicha Davlat xavfsizlik xizmati kubogiga start berildi. Qarshi shahridagi geolog o'yingohida tashkil etilgan musobaqa yuqori saviyada o'tkazildi. Tadbirni viloyat hokimi Murotjon Azimov ochib berdi.

Uyushmagan yoshlar o'rtasida jismoniy tarbiya va sportni keng targ'ib qilish, iqtidorli ertamiz egalarini aniqlash maqsadida an'anaviy o'tkazilib kelinayotgan Davlat xavfsizlik xizmati kubogining joriy mavsum musobaqalari boshlanishi oldidan ochilish marosimi tantanali tarzda boshlandi. Taniqli san'atkorlar tomonidan kuy-qo'shiqlar ijro etilib, gala konsert ham tashkil qilindi.

Yuqori kayfiyatda, bayramona ruhda o'tgan konsert dasturi barchaga ko'tarinki ruh taqdim etdi. Ushbu kubokka Nasaf jamoasi futbolchilari yosh sportchilarga master-klass o'tdilar.

Sport va salomatlik — orzu-umidlarimiz, kuch-qudratimiz manbai. Haqiqatdan ham mamlakatni hech bir soha sportchalik dunyoga tez tanita olmaydi. Shunday ekan, yurt rivoji uchun o'z xissasini qo'shayotgan sog'lom avlod vakillari bu - yangi O'zbekiston faxri demakdir.