JAHOLATDAN MA`RIFAT VA MADANIYAT QUTQARADI

“Ko‘cha san’ati va musiqasi” loyihasi...

“Vatan manzumasi”, “Milliy qadriyatlar oyligi”...

“Ranglar jilosi”, “Kamoliddin Bekzod”, “Ona zamin ohanglari”, “Eng yaxshi kitobxon” ko‘rik – tanlovlari...

2024 - yili vohamizda madaniy yo‘nalish bo‘yicha shu kabi tadbirlar o‘tkazilishi rejalashtirilgan.

Ommaviy axborot vositalari uchun tashkil etilgan matbuot anjumani ishtirokchilariga mazkur mazmundagi ma’lumotlar taqdim etildi.

Kadr orti: Insonni yomonlikdan, halokatdan ma’naviyat va ma’rifat xalos etadi. Mas’ullar ushbu fikrni yana bir marta takrorlashar ekan, davlatimiz tomonidan berilayotgan e’tibor katta imkoniyatlar eshiklarini ochayotganligini ta’kidlashdi. Tabiiyki, ishonchga munosib bo‘lmoqlik ham aytib o‘tildi.

Sohani rivojlantirish uchun “Yo‘l xaritasi” ishlab chiqildi. Bunga ko‘ra, taniqli teatr aktyorlari ishtirokida “Mahorat darslari” tashkil qilinadi. Maqom kechasi, davlat akademik xalq cholg‘ulari orkestrining konsert dasturi o‘tkaziladi.

Demak, hali jarayonlar oldinda. Barchasining ko‘ngildagidek o‘tishi uchun hamkorlikdagi rejalar ishlab chiqildi.